Corse

Alternative libertaire : quali semi ?

Version imprimable de cet article Version imprimable


Alternative libertaire (AL) ghjè un’organizazioni communista libartaria nata n’u 1991.

Semi appuntati n’u svoglimentu di l’anarchisimu-cummunisimu è di u muvimentu operaiu contr’autoritariu com’hè campatu dipoi a Prima Internaziunali di i Travaddatori. Voli dì : pà una pulitica fundata nantu l’azzioni diretta di i classi è gruppi suciali sottu duminazioni, n’un scopu anticapitalista, rivoluzionariu è autogestionariu.

Ci rivindichemi l’acquistati di i rivoluzionarii ch’hani, in l’intrecciu puliticu di i so epichi, cumpartitu quissa sullicitudini :
- Bakounine è i se partighjani indrentu a Prima Internaziunali ;
- I sindacalisti rivoluzionarii di a CGT francesi nanzu u 1914 ;
- A « Makhnovtchina » è a Plate-forme organisationnelle di l’anarchisti russi asiliati ;
- L’anarco-sindacalisimu spagnolu, l’acquistati di a rivoluzioni suciali di u 1936 è sopratuttu l’azzioni di u gruppu « l’amichi di Durruti » ;
- A Federazioni Communista Libartaria (FCL) è u Manifestu Cummunista Libartariu di Georges Fontenis n’u 1954 ;
- L’Unioni di i Travaddatori Communisti Libartarii (UTCL), i travaddi di Daniel Guérin à u Prughjettu Communista Libartariu di u 1986.

A sfarenti scaleddi ’ssi esperimenti funu tappi primurosi pà u prucessu d’un muvimentu communista libartariu, malgratu sbaddi numarosi è inevitevuli.

Oghji Alternative libertaire sviluppa una pulitica di dui fronti :
- Custruì un fronti di i muvimenti suciali, dendu à a « manca di u carrughju » un’esistenza pulitica contr’a « manca di u guvernu ».
- Custruì un correnti communista libartariu chi nutriscia è si nutriscia di l’azzioni di i muvimenti suciali.

I militanti d’AL so quì’n i lotti d’impresi è n’u sindacalisimu n’i SUD ò n’a CGT (certi volti n’a CNT), n’i lotti contr’a disoccupazioni, pà u dirittu à l’alloghju, eculugìsti, è n’i lotti contr’u patriarcatu. Alternative Libertaire prova d’adduniscia tutt’issi lotti di a sucetà ughjinca à un scopu di ruttura cù u capitalisimu è u Statu.

 
☰ Accès rapide
Retour en haut